Tuesday 6 March 2012


অৰ্থ
----

সকলো কথাৰে জানো অৰ্থ থাকে,
অথবা সকলো শব্দৰ ?
নিৰ্যাতিত শব্দবোৰ শুই পৰাৰ পিছত
ম‍ই তেঁওক বিছাৰি ফুৰিছিলো
এখন অবিশ্বাসৰ চহৰত !

প্ৰাৰ্থনাৰ এটা আখৰ হৈ তেঁও
বাগৰ সলাইছিল মোৰ চেতনাৰ সংজ্ঞাত

প্ৰস্তাৱিত আত্মাৰ সকলো অৰ্থ
শেষ হৈ অহাৰ পিছত;
পৰিচয়ৰ নিৰ্বিকাৰ গজালটোত ওলমি ৰৈছে
মোৰ অচিনাকি ম‍ই এজন

অ নিৰন্ন সময়,
সংকীৰ্ণতাৰ সকলো কফিনৰ পৰা
তুলি ধৰ মোৰ পাপৰ পূৰ্ণিমা !
উদযাপিত হওক আকৌ
সেই পৰম অৰ্থহীনতাত
মোৰ বিষাদৰ আহুজ
আৰু সমৰ্পনৰ কৰুণতা !!

**********

(নীলমণি ফুকনৰ কবিতা এটা পঢ়ি...)

No comments:

Post a Comment