Wednesday, 15 February 2012

এটা প্ৰেমৰ কবিতা
------------

ৰ’দৰ ৰঙৰ চোলা এটা পিন্ধি
থিয় হৈ আছিল
চেঙেলীয়া পুৱাটো 
তোমাৰ হোষ্টেলৰ গেইটত আওজি !

চাদত আচুৰি থাকোতে 
বেপেৰোৱা চুলি
এদিন তোমাৰ প্ৰেমত পৰিছিল
এটা যুৱক বেলি;
ৰাতিৰ ভাজ খুলি
ৰ’দ হৈ বৈ আছিল সিদিনা 
দুখ
-দুখৰ প্ৰথম চিঠি,
এটা প্ৰেমিক জোনৰ স্বীকাৰোক্তি ;

জোনাকত খিৰিকি মেলি
তুমি সাৰে থাকিলে ,
এটা চুমাৰ উচপিচনি বৈ পৰে 
নাৱৰীয়া ৰাতিৰ কিনাৰে কিনাৰে-
এটা য্ন্ত্ৰণাৰ সোতৰ দৰে....

No comments:

Post a Comment