ফাগুন-২
---------
এটা যন্ত্ৰণা !
ঠিক যেন এজন উদাস ডেকা প্ৰেমিক,
ধনগুলৈৰ শুকান জুইত জ্বলি জ্বলি ঘুৰি ফুৰে
বুকুৰ গলিয়ে গলিয়ে;
ফেৰেঙনিৰ ফ্ৰেমত মনমৰা জোন,
ৰ’দৰ চুবুৰীয়ে চুবুৰীয়ে
শুকান পাতৰ অৰ্কেষ্ট্ৰা,
বতাহত ধূলিৰ ঐনিঃতম..... ;
আস
কোন নিৰ্বোধ প্ৰেমিকে পাৰে উদাস নোহোৱাকে,
য্ন্ত্ৰণাৰ কাঢ়া এবুকু মদ পি
ফাগুনৰ ৰাতি মাতাল নোহোৱাকে ?
সকলোৱেইতো জানে
ফাগুনে জেপত কাৰ চিঠি লৈ ফুৰে...!!
No comments:
Post a Comment