পাঞ্চজন্য
=======
মোৰ নিৰুদ্দেশ বাৰ্তা লৈ এদিন যেতিয়া
তোমাৰ কাষলে আহিম আই
তুমি মচি দিবা মোৰ পথক্লান্তিৰ কলংক,
তেজৰ সকলো সুখ্যাতি পাৰ হৈ আহি
তোমাৰ অৰ্ঘ্যতে সপি থব পাৰো যেন
মোৰ সমৰ্পিত শিৰৰ মৃন্ময় শিল্প,
গহৰা হাবিত মেটেকা ফুলিছে আই,
লিপা মচা তোমাৰ চোতালত
নতজানু ইতিহাসে বিনাইছে;
নিজান মাটিৰ বিষন্নতা তিয়াই
কোন জননীয়ে বা কান্দিছে হিয়া ঢাকুৰিয়াই ,
চকুৰ পানীত ভাহি আহিছে
দেওঁলগা শাওণৰ জলপদ্ম;
মণিকুটত কোনোবা কৰুণ আয়তীয়ে নাম গাই
সন্নিপাত ৰাতিটোৰ কপালত
শীতল পটি দি যায় ;
মোৰ সিৰাই সিৰাই আহুতিৰ ফুল !
তেজক যেন উকিয়াই মাতে
এটা দুৰন্ত ৰণশিঙাই ;
*************
৮-১০-১২
No comments:
Post a Comment