তুলসী
-----
তেঁওৰ হাতৰ চোতালত
তুলসী তলৰ ছাই লগা কুঁৱলী,
বাহপাতৰ শলিতাত জোঁটপোট শেতা জোন,
ওলমি ৰোৱা এটা যেন চাৱঁনি
কোনোবা চকুৰ আপেক্ষাত;
ডাঠ সন্ধিয়াৰ তলেদি ওলাই থকা
ঢেলা সেই ভৰি তলুৱাৰ নিথৰ হালধীয়া;
খোজত খোজ থৈ ৰৈ গ’ল
এটা পূৰ্ণতাৰ বাট, মোলৈ নহয়
কি পাবলৈ গৈ কি হেৰুৱালো ,
কাক পাবলৈ এৰি আহিছো কাক ?
চম্পাৱতী হুৰাই দে
ধান খোৱা চৰাইৰ জাক;
শেষ ৰাতিলৈ কপি কপি জ্বলক
নৈ পাৰৰ ওখ জুই !
*********
২৩-০৪-১২
No comments:
Post a Comment