উচ্চাৰণ..

আত্মোত্‍কৰ্ষ
-----------

সকলো শেষ হৈ যোৱাৰ পিছতো
কৰবাত কিবা অলপ ৰৈ যায়;
মৃত চহৰৰ সকলো চিতা
জ্বলি শেষ হৈ যোৱাৰ পিছতো
দুখবোধৰ চিপজৰীত ওলমি ৰয়
কেতবোৰ স্মৃতিৰ শ -
আকোৰগোজ বেতালৰ দৰে !

অব্যক্ত,
কাকো কব নোৱাৰা কথাবোৰ
ৰোহঘৰত থৈ
প্ৰতিজনেই প্ৰহৰী হয় এখন বন্ধ দুৱাৰৰ;

সম্ভাৱিতাৰ বেজোখ সুত্ৰৰে নিজক হিচাপ কৰি
আমি আজন্ম ধৰুৱা হৈ ৰও
নিজৰ ওচৰত;
ঈপ্সিত কোনোবাতো বিন্দুত
শৃংগবোৰ যিদৰে কপি ৰয়
সকলো উত্তাপৰ অতীত হৈ !!

************
                ৯-০৪-১২