Friday 9 November 2012


ঘোৰাপাক
=======

আহাৰে তিতালে আহুতলিৰ চপৰা
পথাৰে তিতালে শাওণ
নদীৰ চোতালত কুটকুট খেলি
শেষ ৰাতি আপোনপাহৰা কোন ??
ঘোৰাপাক ঘোৰাপাক !
চেপাত খলখলাই দৰিকণা জীৱন
কাৱৈলাঙি জালত উজায় তাৰ টিলিকা সপোন;

জোঁৰৰ জুইয়ে বাট দেখুৱায় মাছুৱৈ ৰাতিটোক,
খালৈত ভৰুণ বুকুৰ জুনজুনা
এই বাজে এই থামে,
চলৌপ চলৌপ খোজেৰে কোন জানো নাহে ?
জাতিবাহৰ থোহাত বৰলীয়া সপোনটো
লাগিল কি নালাগিল,
কেচা মাছৰ গোন্ধতে
বিলৰ পানী ভেকভেকালে;

নদীয়াল কান্ধ চুই চেৰেংকৈ গুছি যায়
বতাহৰ চেচা চুলি,
চুচুক চামাক সাজ লগা সময়ৰ হেপাহ
চিপ মাৰি তুলি লও এটা উজানৰ জোন
যি নাহিল সিহে গ’ল,
কচুৱনি ভাঙি পোহৰত পিছুৱাল তেলীয়া কুচিয়া ;


**********
৯-১১-১২

No comments:

Post a Comment