নিবেদন
======
মোক ওভতাই দিয়া মোক
মোৰ মৰ্মাহত দিন আৰু ৰাতিবোৰৰ বাবে,
জোনাক আৰু ডাৱৰৰ বাবে
আৰু আহত আলিঙ্গনবোৰৰ বাবে ,
তোমাৰ ৰাতিবোৰৰ পৰাই এই ধ্বনি,
আঙুলিবোৰত তিতি আছে
তোমাৰ কৰুণা
মোৰ হাতত তোমাৰ স্তনৰ নিয়ৰ;
মই তোমাক কি দিম
ওভতি অহাৰ এই উজ্বল পথ,
কোনো নাৰীৰ নাভিত উন্মোচিত হোৱা
নিৰ্জনতাৰ প্ৰথমটো অৰ্থ,
সকলো বাটৰ শেষত তোমাৰ আৰম্ভণি
তোমাক পাৰ হৈ কি পাম
চৰাইবোৰৰ কোৰ্হাল,
পোহ নমনা ৰাতিবোৰৰ বিষাদ
নে স্পৰ্শৰ অন্ধত্ব ?
নাঙঠ শব্দবোৰৰ শৰীৰ কপি আছে এতিয়াও
তোমাৰ ওঁঠৰ শীতত ,
মই তোমাৰ অলৌকিক অনুবাদ
উচ্চাৰণৰ স্বৰহীন প্ৰণয়ন !
**********************
june 22 16
No comments:
Post a Comment