উচ্চাৰণ..

মোহ
-----

যাও বুলি মাত লগাই আহিও
তাতেই ৰৈ আছো এতিয়াও,
আকন্ঠ ঈপ্সাৰ সকলো প্ৰস্তাৱ নাকচ কৰিও
এতিয়াও বাহাল আছো বৈৰী চেতনাৰ মুগ্ধতাত;

আচলতে ম‍ই বা ক’ত আছো
ইয়াত নে তাত ?
সমান্তৰালতাৰে মাথো আগুৱাই গৈ আছো
এটা গতিৰ উপলক্ষ্য হৈ;
কাৰো দুৰো হব পৰা নাই, ওচৰো হোৱা নাই;
মাত্ৰ
নিজৰ ওচৰ পাবলৈ
ক্ৰমে আতৰি গৈ আছো নিজৰ;

পৃথিৱীৰ স্যমন্তক জড়তা দুহাতত আৰু নচপাও বুলি মুঠি  বন্ধ কৰিও
হাত মেলি ৰৈ আছো তাৰেই স্পৰ্শৰ বাবে ;

************
                 ১-০৫-১২