ইনচ’মেনিয়া
==========
অহাকালি টোপনি
গাৰুভৰি তোমাৰ ভাগৰৰ তুলা,
অবিন্যস্ত চুলিৰ ভায়লিনত
মুদ খাই অহা নিতাল নিশাৰ স্বৰগম
আৰু ৰাতি জুৰি বাজি থকা মোৰ নিদ্ৰাহীনতা
কি বিষাদ কি সপোন
সকলো আন্ধাৰত তিতি চপচপীয়া;
ৰাতি হেনো কবি,
ডিঙিলৈকে পি আন্ধাৰ হুইস্কি
জ্বলি থাকে কবিৰ দুখৰ দেৱালয়,
তোমাৰ পৰাতো কেনেবাকে লুকুৱাইয়ে থয় নিজক !
পিছে দাপোনত বিস্মৃতিৰ চকু দুটা খুলি থৈ
কি জানো দুখত
তাৰ সুহৃদ হয়হি টোপনিগধুৰ সময়;
নিদ্ৰাহীনতা
তোৰ চকুৰ সিপাৰৰ টাবটোত
ৰুই থম মোক,
পাতৰ দৰে গজালি মেলিব
সপোনৰ সেউজীয়া !
***************
১৯-০৩-১৩
No comments:
Post a Comment